Der Vorstand

Vorstand

Marc Schifferle

Präsident

Min Name isch Marc, 20i und chume us Pfunge. Ich kümmere mich, nebst de Gründig, aktuell im Vorstand um alles Präsidiale. Zeme mitem Mirco han ich d Idee vomene Jugendparlament Winterthur Land gha. Mis Ziel isches d Politik möglichst villne junge Lüt nächer z bringe demit au sie sich afanged für Politik z interessiere. Es freut mich immer wieder neui lüt kenne z lerne und mit ihne über die viele Themene i de Politik chöne z rede, egal wel hi meinig die andere vertretted. Privat engagier ich mich au na i de Gmeind Pfunge wo ich sit kurzem i d RPK gwählt worde bin. Usserdem bin ich mitglied bi de SVP und de jSVP wo ich Präsident vom Bezirk Winterthur und Andelfinge bin. Als Hobby bin ich na im Turnverein tätig. De Summer han ich mini ussbildig zum Informatiker abgschlosse.

Alessia Liberto

Social-Media-Verantwortliche

Ich bin d'Alessia, 16ni und wohne in Seuzach. Siit aafangs 2020 binich Mitglied bi de Jungfreisinnige Winterthur und siit e paar Mönet im Vorstand vum Jugendparlament Winterthur Land, wo ich hauptsächlich für d'Social Media zuestänig bin. S'Jugendparlament isch für mich en super iistig id Politik gsi, willich au ohni Parteizugehörigkeit han chönne mich mit anderne Jugendliche über politischi Themene unterhalte und spannendi Diskussion füehre. Momentan machich s'Wirtschafsgymi a de Kanti Büelrain in Winterthur. I minere Freiziit spilich Tennis und unternimm gern öppis mit mine Kollege. Chum doch bi eus go verbiiluege; mer treffet eus jede 1. Mittwuch in Monet zum lockere zemesii. Mir freuet eus uf dich! 😊

Mirco Willi

Finanzen

Mein Name ist Mirco, komme aus Pfungen und bin im Vorstand vom JuPa Winterthur Land. Neben den Gründungsaufgaben kümmere ich mich um die Finanzen. Mein Ziel mit dem JuPa ist, die junge Generation politisch zu bilden und das allgemeine Verständnis für die Politik zu fördern. Es macht spass mit vielen verschiedenen Jugendlichen und ihren oft unterschiedlichen Meinungen zu diskutieren. Zusammen können wir etwas bewegen, es braucht manchmal gar nicht viel. Ich wünsche mir, dass noch viele weitere Jugendliche den Schritt wagen, sich politisch einzusetzen. Privat arbeite ich als Tiefbauzeichner, bin im Turnverein und Privatpilot. Es würde mich freuen, wenn auch du bei uns mitmachen würdest! 😊

Alina Omusoru

Event-verantwortliche

Ich bin d‘Alina Omusoru 20ii und sitt dem Jahr im Vorstand vom Jugendparlament Winterthur Land. Ich setzte mich gern für e lösigsorientierti und solidarischi Politik ii darum bin ich au Mitglied i de *jevp. Ich bin überzügti Christin und investiere vill ziit i min Glaube und i mini Chile. Und falls mal nochli ziit übrig bliibt verbring ich mini Ziit mit Papier, Stift oder Pinsel. Wenn du dini Meinige und aasichte au gern mit andere i dim alter wetsch teile und drüber diskutiere denn chum doch gern mal go ineluege!

Jan Sauter

Mitglieder-Verantwortlicher

Min Name isch Jan, bin 18i und chume us Pfunge. Scho sit afangs Jahr hilf ich bide Gründig vom Jugendparlamend Winterthur Land mit und funkitoniere debii no als Mitgliederverantwortlicher im Vorstand. Da ich mich scho lang und fest für d Politik interessiere, han ich chli nöcher welle debii sii und darum bini jetzt Mitglied bide Junge SVP. Ich bin momentan ide Lehr als Informatiker. Nebed bii bini im Turnverein und spiele Schlagzüg imene Verein und ere Brass Band.

Jahresbericht